3. Faino

Elabora un plan de acción que ten que incluír: que se vai facer, cando e onde. Ten en conta tamén a quen hai que convocar e que permisos, recursos e materiais se precisan para cada actividade. Non esquezas engadir un listado de contactos do equipo e provedores.

Nunha sección anterior xa falamos da importancia de saber medir un recurso fundamental: o TEMPO. Neste sentido, recomendamos ter en conta o seguinte:

Para quen aínda non teña experiencia nun proxecto deste tipo, velaquí compartimos tamén algunhas recomendacións específicas:

Fases de creación audiovisual

Aconsellamos elaborar o plan seguindo, a trazos xerais, estes pasos:

Prevé alternativas

Ten un plan B para solucionar imprevistos, sobre todo se a vosa acción depende do clima ou da tecnoloxía. Ten sempre unha alternativa a man para que a actividade non quede bloqueada.

Pide permisos

Cando as actividades son en espazos públicos, ou implican dereitos de imaxe dos participantes, os permisos deben ser por escrito. E aínda que legalmente non precisedes permiso, podedes advertir da actividade a aqueles que puidera afectar ou molestar, como aos comerciantes dunha rúa ou os usuarios dun centro cívico. É unha cortesía que axudará a evitar conflitos futuros e que pode aportar novos cómplices e colaboradores.

Asesórate

Necesitas seguro de responsabilidade civil específico para a actividade? Como xustificarás os custos para cobrar as axudas? Como lle tes que facturar aos teus patrocinadores? Tes que contratar directamente aos profesionais que che axuden? Pregunta, asesórate e evita complicacións.

Invita á participación

O prazo e modo de convocatoria para participar é unha das claves do éxito de calquera acción cultural. Non é mesmo un público cativo (como o alumnado dunha aula) e con recompensa (subida da nota na materia) que cando se trata dunha acción voluntaria e desinteresada.

Como xa indicamos anteriormente na sección PARTICIPANTES, debes ter reflexionado sobre os distintos niveis de participación e públicos, e agora, na fase de execución, debes chegar a todas estas persoas a través dos medios máis adecuados: cartelería, presentación directa ante grupos de interese, notas nos medios de comunicación, redes sociais, etc. Deseña unha captación atractiva e moi clara en canto a prezos, horarios e posibilidades de participación.

Realiza os eventos

Sigue o plan pero con flexibilidade, integrando as achegas dos participantes e os imprevistos que moitas veces melloran a proposta. Sabemos que traballaches moito para chegar ata aquí pero iso non é o máis importante, non si?

Rexistra o que pasa

Saca fotos e vídeos da actividade: podes usalas para redes sociais, elaborar memorias ou publicidade de seguintes edicións. Unha forma de facer este rexistro é convertelo nunha “tarefa” que se pode traballar por quendas rotatorias, usando unha cámara de fotos ou co mesmo móbil. Esta tarefa pódese formular ao grupo como un making off da actividade, que tamén pode incluír pequenas entrevistas ao final das sesións (“Que tal? Que pasou hoxe? Que aprendiches?”)