Youtubeir@s

O proxecto Youtubeir@s nace coa vontade de promover e visibilizar o uso do galego con vídeos de opinión e videotitoriais a través de YouTube, unha das redes sociais máis influíntes do momento. Dende vídeos sobre que opina alguén das bolsas de férula de pataca ata como amplificar o sinal da Wi-Fi cunha lata. Ademais dos Premios Youtubeir@s, o proxecto inclúe actividades de visibilización d@s creadores, formacións específicas, xeración de contidos nas redes sociais e establece sinerxias con festivais e outros proxectos culturais galegos.

Youtubeir@s está dirixido a tódalas persoas maiores de catorce anos. Como novidade con respecto á primeira edición destaca a #propostayoutubeira, na que o público propón e vota os vídeos en galego que máis lle gustan do YouTube. As formacións realízanse nas áreas de influencia das entidades organizadoras e teñen un público específico dependendo do tipo de obradoiro. Poden ser persoas maiores de sesenta anos non dixitalizadas ou persoas maiores de catorce anos cunha dixitalización básica.

OBXECTIVOS
· Normalizar a lingua galega nas redes sociais, sobre todo no YouTube
· Valorar os contidos propios
· Fomentar o audiovisual como ferramenta comunicativa
· Empoderar dixitalmente
· Fomentar as licenzas libres
· Nutrir a idea colectiva de que tod@s temos moito que contar
· Aportar ferramentas comunicativas
· Aprender e experimentar o proceso de videocreación