Namorados no solpor

“Cantigas de Amigo: Namorados no Solpor” é un proxecto de proxectos, xa que se desenvolveu ao longo do curso escolar (2016-17) de xeito transversal e foi  medrando coas necesidades emerxentes que marcou o alumnado. Neste proceso, o docente (neste caso Natalia Noval, impulsora do proxecto) foi un facilitador non experto. Da man de profesionais vinculados a diferentes eidos artísticos o alumnado traballou en torno ás cantigas de amigo, plasmando o proxecto creativo e o seu resultado final en formato audiovisual .

OBXECTIVOS
· Mellorar a cohesión grupal en canto a convivencia, resolución de conflitos, asertividade, participación activa, a cooperación, o valor da diferenza e o compromiso
· Aproximarse á literatura da man da poesía
· Ampliar a comunidade de investigación da aula ás familias, centro, e  Concello
· Mellorar os procesos de xestión de aula: escoita, respecto ao outro, traballo en equipo e uso das boas maneiras na comunicación
· Aproximación á poesía tradicional de forma máis ou menos crítica
· Traballar a identificación das emocións e a reflexión crítica ante condutas discriminatorias, inxustas e estereotipos de xénero
· Favorecer o empoderamento do alumnado e a necesidade de ser parte activa da súa comunidade
· Elaborar unha cantiga usando diferentes linguaxes: escritura, música, escultura ou audiovisual